FLASH
Shkruar nga Pamfleti
Bashkimi Europian ka reaguar për tritolin e vendosur në banesën e gjyqtarit të Shkodrës, Tonin Sterkaj.
Bashkimi Europian dënon sulmin e bërë ndaj gjytarit, ndërsa thekson në deklaratë se siguria e njerëzve të drejtësisë është parësore për pavarësinë e gjyqësorit.
Reagimi i Bashkimit Europian:
“Ne dënojmë ashpër sulmin e bërë së fundmi ndaj një gjyqtari në Shqipëri. Siguria e gjyqtarëve dhe prokurorëve nga kërcënimet është thelbësore për pavarësinë e gjyqësorit dhe në luftën kundër korrupsionit dhe krimit të organizuar”, thuhet në njoftim.
Gjithashtu, Bashkimi Europian thekson se mbështet plotësisht gjyqtarët dhe prokurorët në Shqipëri.
“Bashkimi Evropian shpreh mbështetjen e plotë për gjyqtarët dhe prokurorët e sistemit gjyqësor në Shqipëri", përfundon deklarata.
Kujtojmë se një sasi tritoli u vendos paraditen e 28 prillit në portën e banesës së gjyqtarit të Gjykatës së Shkallës së Parë në Shkodër, Tonin Sterkaj, nga një person i maskuar.
Lini një Përgjigje