FLASH
Shkruar nga Pamfleti
Analisti Frrok Çupi ka deklaruar se Partia Demokratike e ka mbyllur ciklin dhe se sipas tij ish-kryeministri Sali Berisha e ka përdorur atë si mburojë për interesat e tij.
Në një intervistë për “abc news”, ai komentoi dhe fjalimin e Berishës nga dritarja e banesës mbrëmjen e sotme, të cilën Çupi e quajti thyerje e masës së arrestit.
“Berisha ka bërë shkelje flagrante dhe janë rrethana shumë rënduese për të. Atij i është ndaluar të komunikojë me njerëzit, por nuk e ka bërë. Pra është një shkelje flagrante jo vetëm e ligjit, por edhe e vendimit të gjykatës. Unë çuditem përse ata njerëz që jetojnë aty nuk paraqiten në polici për të siguruar qetësinë e tyre. Aty ka biznese që nuk janë të Berishës. Por ky deri në ditën e fundit dhunon njerëz. Nuk lë punën të jetojë normalisht. Ai tani edhe në rrugicën e vet krijon dhunë për njerëzit”, u shpreh Çupi.
Ndërkohë më pas Çupi shtoi se SHBA gjithmonë ka mbështetur demokratizimin e vendit dhe sipas tij, arrestimi i Berishës, është një dhuratë e amerikanëve për demokracinë e vendit tonë.
“Sot e kësaj dite si një aleat i vërtetë i Shqipërisë tenton ta shohë Shqipërinë si një vend normal. Amerika nuk resht së mbështeturi demokratizimin e vendit. E pamë që Salianji ndryshoi qëndrim pas vizitës në SHBA. Neutralizimi i fenomenit Berisha është i krahasueshëm me neutralizimin e vrasësve në Bosnjë dhe Hercegovinë. Berisha do të shënohet si një prej kontributeve të drejtësisë shqiptare dhe SHBA sigurisht për t’i larguar vendit një rrezik”, tha ai.
Lini një Përgjigje