FLASH
Shkruar nga Pamfleti
Nikoll Lesi ka reaguar për ndarjen nga jeta, të gazetarit Zamir Dule, i cili u dhunua barbarisht nga policia e ish presidentit në atë kohë Sali Berisha.
"Gazetari që themeloi kronikën e zezë dhe gazetarinë investiguese në Shqipëri shkoi në Parajsë. Ndërroi jetë në moshën 55 vjeçare.
Që prej 3 marsit 1997, kur e masakruan forcat e pushtetit të kohës në Tiranë, ai nuk u bë më siç mund të ishte një njeri normal.
Kjo për faktin se e rrahën dhe e torturuan forca e policisë sekrete të pushtetit të Berishës në atë vit të mbrapshtë, viti 1997.
Në lidhje me këtë ikje nga kjo jetë të gazetarit të Koha Jonë të viteve 1993-1997 kanë reaguar të gjithë gazetarët dhe mediat serioze.
Të gjithë kishin një kërkesë: Shkofshin në FERR ata që torturuan në qelitë e policisë gazetarin Zamir Dule!
Edhe ata që urdhëruan këtë krim ç’njerëzor", shkruan Lesi.
Në vitin 1994, Zamir Dule erdhi në Tiranë ku mbuloi po sektorin e kronikës për policinë, prokurorinë dhe gjykatën. Ai arriti kulmin në karrierën e tij në vitin 1996, kur shkroi edhe librin “Përbindëshi i Tropojës”.
Zamiri u tërhoq nga profesioni pasi u dhunua barbarisht nga policia e ish- presidentit demokrat Sali Berisha në marsin e vitit 1997. Ai u shoqërua në polici ku u torturua e për pasojë pati edhe probleme të shëndetit mendor.
Qeveria e kryeministrit socialist Fatos Nano i akordoi gazetarit Zamir Dule pension special, në shenjë vlerësimi për punën në kushte të përndjekjes dhe sidomos për torturimin e tij nga struktura policore.
Pas largimit nga gazetaria Dule u zhvendos në Korçë, ku jetonte me vëllanë në vendlindjen e tij, fshatin Miras të Devollit. Shëndeti i tij është përkeqësuar vazhdimisht.
Lini një Përgjigje