FLASH
Shkruar nga Pamfleti
Detaje të reja kanë dalë nga paraqitja e ish-komandantit të gardës, Ndrea Prendi në Prokurorinë e Posaçme (SPAK), lidhur me çështjen e ’21 Janarit’.
Gazetari Ermal Vija ka thënë në “ABC News” se vetë prezenca në Shqipëri e Prendit është në rrethana të çuditshme. Sipas sistemit TIMS, ai ka dalë nga Shqipëria në datën 21 maj 2023.
Ndërkohë, burime policore për ABC News thonë se prania e tij në Shqipëri, ose ka ndodhur nga Kosova me rrugë tokësore, ose në rrethana të treta të pasqaruara mirë.
Theksojmë që thirrja e Prendit ka ardhur pasi SPAK regjistroi procedim penal për ’21 Janarin’ pas vendimit të Gjykatës së Lartë.
Është prokurori Alfred Shehu që po zhvillon dosjen e 21 Janarit, ndërsa, disa ditë më parë u thirrën për të dëshmuar bashkëshortja dhe xhaxhai i Aleks Nikës, një prej viktimave të ’21 Janarit’, Bashkëshortja tha se ka dorëzuar prova e fakte të reja, ndërsa xhaxhai u shpreh se ky është krim shtetëror.
Lini një Përgjigje