FLASH
Shkruar nga Pamfleti
Ditën e sotme djali ish-presidentit Ilir Meta, u paraqit në sekretarinë e Gjykatës së Posaçme dhe kërkoi CD audio të seancës që u mbajt me dyer të mbyllura, raporton Gazetarja Anila Hoxha.
Meta u arrestua paraditen e së hënës nga agjentët e BKH me urdhër të SPAK. Në momentin e arrestimit, Meta po lëviste me një automjet në afërsi të "Casa Italias" në kryeqytet.
Ndaj ish-presidentit u vendos masa e sigurisë "arrest me burg", ndërsa ish-bashkëshortja e tij Monika Kryemadhi u la me 'detyrim paraqitje'. Sa u përket dy personave të tjerë të përfshirë në dosjen "Meta", Ema Çoku dhe Pirro Xhixho, GJKKO vendosi ndryshim të masës "arrest shtëpie" për Pirro Xhixhon, ndërsa për Ema Çokun mbeti e njëjta masë "detyrim paraqitje".
Pas vendimit të GJKKO për lënien e masës 'arrest me burg' për Ilir Metën, ai u dërgua në paraburgimin e 313-ës, teksa dy ditët e para u mbajt në Bllokun e Sigurisë te "Mine Peza".
Lini një Përgjigje