FLASH
Shkruar nga Pamfleti
Shefat e policive të 43 kryeqyteve evropiane janë mbledhur sot në Tiranë, në kuadër të konferencës për thellimin e bashkëpunimit për të rritur parametrat e sigurisë mes vendeve.
Në fjalën e tij drejtori i Përgjithshëm i Policisë, Muhamet Rrumbullaku, tha se një ndër prioritet e policisë është edhe lufta kundër krimit të organizuar.
Rrumbullaku është shprehur se bashkëpunimi me partnerët është i domosdoshëm në një moment kur krimi është kthyer në një ndër kërcënimet më serioze.
“Krimi është sot më shumë se kurrë pa një trajtë të caktuar, i informuar dhe i përgatitur dhe e vetmja mënyrë është me anë të sigurimit të rendit. Për ta përmbushur efektivisht këtë mision duhet të bashkërendojmë me njëri-tjetrin eksperiencat dhe idetë tona profesionale. Qëllimi i përbashkët për bashkëpunim për parametrat e sigurisë s’është vetëm deklarativ por edhe në praktikë”, tha Rrumbullaku.
Lini një Përgjigje