FLASH
Shkruar nga Pamfleti
Sezoni veror ka rritur ndjeshëm hyrje daljet në pikat e kalimit kufitar të juglindjes së vendit.
Mediat raportojnë se gjatë orëve të pasdites është krijuar radhë në pikën kufitare të Kakavijës, por pala shqiptare është duke punuar me sportele të shtuara.
“Pala shqiptare ka punuar me sportele të shtuara gjatë fundjavës. Kjo javë ka nisur me ritme normale gjatë paradites, por në orët e pasdites ka pasur radhë nga njerëzit që priten. Tashmë fluksi është po i njëjtë me atë gjatë fundjavës. Pala jonë është duke punuar me 8 sportele, ndërsa pala greke me 5 sportele”, raportojnë mediat.
Ndërkohë, situata në pikën kufitare të Kapshticë është e qetë, ndërsa thuhet se ka pasur fluks por jo radhë të gjata.
“Ka pasur fluks por jo radhë të qytetarëve që presin. Maksimumi i pritjes ka qenë rreth 20 minuta. Për sa i përket ditëve në vijë, sipas autoriteteve tona parashikon lëvizje më të shumta”, raportojnë mediat.
Lini një Përgjigje