FLASH
Shkruar nga Pamfleti
Sot shënohen 13 vite nga vdekja e 4 protestuesve të 21 Janarit, të cilët u vranë në bulevardin Dëshmorët e Kombit.
Në kuadër të kësaj dite, sot është mbajtur ceremonia e përvitshme në Kryeministri.
I pari që nisi fjalën në ceremoni, ishte ministri i Drejtësisë Ulsi Manja, i cili tha se ende nuk është zbardhur nga drejtësia kjo ngjarje.
Ai shton se ashtu si familjarët, Partia Socialiste është ndalur duke kërkuar drejtësi për viktimat e asaj proteste.
“As ju si familjarë dhe as ne si forcë politike s’kemi ndaluar së kërkuari drejtësi për viktimat e asaj proteste. Ne nga ai sistem nuk prisnim drejtësi. Ne si opozitë asokohe premtuam drejtësi të re për 21 janarin. Kontrata e Ramës në 2013 ishte rithemelim i drejtësisë si një gur i pavarur. E premtuam dhe e bëmë, me ndihmën edhe të partnerëve tanë. Po a janë rezultatet e kësaj drejtësie të re në nivelin e ri që pret publiku? Fakti që drejtësia e re është në ajër, kjo tregon se ka ende magjistratë që punojnë me procedurë dhe kanë frikë të përballen me hetimin e kësaj dosje. Familjarët e këtyre viktimave nuk mund të rrinë peng i kësaj drejtësie, që pritet t’i vënë kapak floriri. Disa dosje presin në sirtarë. Po qe nevoja do të vijojmë me procedurë penale. Drejtësia nuk mund të jetë çështje drejtësie nga magjistratët”, tha ai.
Lini një Përgjigje