FLASH
Shkruar nga Pamfleti
Britanisë i ka kushtuar plot 1 milionë paund dëbimi i 47 shqiptarëve ilegalë drejt Shqipërisë.
Sipas gazetës “The Telegraph”, shqiptarët, të cilët u propaganduan me bujë nga qeveria britanike gjatë dëbimit të tyre duke shpërndarë edhe pamjet teksa po ngjiteshin në avion, janë emigrantë të paligjshëm dhe persona që janë dënuar për krime në Shqipëri.
Por kostoja e vlerësuar ishte 22,000 paund për një të dëbuar bazuar në përdorimin e një avioni të kontraktuar nga një linjë ajrore private për të larguar 50 persona pa të drejtë të qëndrojnë në Mbretërinë e Bashkuar.
Kjo përfshin koston e pagesës për tre shoqërues sigurie të kontraktuara privatisht për të udhëtuar me secilin emigrant për të parandaluar çdo problem gjatë fluturimit dhe në mbërritje, si dhe monitorimin dhe transportimin e individëve në çdo seancë gjyqësore ligjore dhe në aeroport.
“Fluturimet e mëparshme sekrete të dëbimit të sigurisë së lartë u filmuan për herë të parë si pjesë e përpjekjeve të Sir Keir Starmer për të shmangur kërcënimin politik nga Reforma e Nigel Farage dhe për t'i demonstruar një publiku skeptik se Laburistët po bëhen të ashpër ndaj migracionit të paligjshëm”, shkruan The Telegraph.
Zyra e Brendshme tha se kishte marrëveshje tregtare me linjat ajrore private dhe do të përdorte vetëm ushtrinë si mjetin e fundit. Ministria e Mbrojtjes thuhet se më parë ka rezistuar që avionët e saj transportues të devijoheshin nga detyrat ushtarake për të transportuar emigrantë.
Të hënën, laburistët publikuan të dhëna që tregojnë se 18987 njerëz janë dëbuar që kur erdhi në pushtet në korrik - numri më i lartë në çdo periudhë gjashtëmujore që nga viti 2017 - ndërsa përpiqet t'u tregojë votuesve se po vepron për të trajtuar imigracionin e paligjshëm.
Tre të katërtat e të dëbuarve u larguan vullnetarisht nga MB me fluturime komerciale dhe vetëm një pjesë e tyre kishte mbërritur me varka të vogla.
Tridhjetë e nëntë fluturime çarter – katër më shumë se në të njëjtën periudhë të vitit të kaluar – kanë çuar njerëzit në vende si Brazili, Vietnami dhe Shqipëria.
Rreth 12,658 shqiptarë kaluan Kanalin për në Mbretërinë e Bashkuar me varka të vogla në vitin 2022, nga të cilët 16,000 aplikuan për azil.
Si rezultat, Mbretëria e Bashkuar arriti një sërë marrëveshjesh të reja me vendin ballkanik për të përshpejtuar kthimin e emigrantëve të paligjshëm shqiptarë në vendin e tyre.
Mësohet se do të ketë fluturime javore për në vend.
Lini një Përgjigje