FLASH
Shkruar nga Pamfleti
Banorët e fshatit Hotolisht në Librazhd janë përplasur me forcat e policisë, gjatë një proteste të zhvilluar kundër projektit të ndërtimit të një rruge të re, për të cilën ata pretendojnë se dëmton pronat dhe mjedisin e zonës. Tensionet u shtuan kur protestuesit bllokuan qarkullimin, duke u ulur në mes të rrugës në shenjë kundërshtimi.
Në përpjekje për të shpërndarë turmën dhe për të rikthyer qarkullimin, policia ndërhyri, duke shkaktuar momente tensioni. Në pamjet e publikuara, dëgjohen protestuesit teksa i bëjnë thirrje efektivëve: “Femrat mos i prekni”, ndërsa disa gra të zonës shihen në vijën e parë të protestës, duke mbrojtur qëndrimin e banorëve kundër projektit.
Protesta pritet të vazhdojë edhe në ditët në vijim, nëse nuk merren masa për të adresuar kërkesat e banorëve.
Lini një Përgjigje