FLASH
Shkruar nga Pamfleti
Kombëtarja shqiptare e futbollit luan sot në Pragë me fanelat e saj të bardha kundër Çekisë vendase, e cila luan me kompletin e kuq si pritëse këtë sfidë. Por në videon e publikuar nga FSHF në rrjetet sociale, shihen ndryshime te fanelat.
Për një arsye apo një tjetër, ka një ngatërresë mes fanelave të Kristjan Asllanit dhe Arbër Hoxhës sa u përket numrave që mbajnë në këtë ndeshje. Video shfaq Asllanin me numrin 8 në këtë sfidë, ndërsa Hoxha do të jetë ai që mban numrin 21. Diçka e pazakontë, pasi Asllani ka mbajtur historikisht numrin 21 të Kombëtarja dhe për më tepër, për këtë arsye mban të njëjtin numër nga ky vit edhe tek Interi.
Një ngatërresë mesa duket në momentin e stampimit të fanelave, duke pasur parasysh se në ndeshjet e mëparshme të Kombëtares në shtator, ishte Hoxha me numrin 8 dhe Asllani me atë 21.
Ndërkohë, duket i pazakontë edhe mbiemri i vendosur në fanelën e Indrit Tucit, pasi mbi numrin 11 që do të mbajë sulmuesi i afruar së fundmi te kuqezinjtë, është shkruar Tuçi.
Lini një Përgjigje