FLASH
Shkruar nga Pamfleti
PSG-ja ka mundur 3-1 Lensin në shtëpi në javën e 31 të kampionatit francez dhe ka hedhur një hap shumë të rëndësishëm drejt titullit duke shkuar nëntë pikë larg vendit të dytë.
Episodi i parë i rëndësishëm i sfidës erdhi në minutën e 19 me një karton të kuq për Lensin për një ndërhyrje të frikshme ndaj Hakimit.
12 minuta më vonë erdhi edhe goli i parë i ndeshjes i shënuar nga Kilian Mbape me një finalizim të bukur. Në minutën e 36 erdhi dhe dyfishimi i avantazhit për kampionët e Francës me një gol shumë të bukur të Vitinjës.
Një gol historik për Mbape, i cili tani është bërë golashënuesi më i mirë në historinë e PSG-së në Ligue 1 me 139 gola të shënuar në total.
Në minutën e 40 erdhi goli i tretë i vendasve i realizuar nga Lionel Mesi, pas një kombinimi shumë të bukur me Kilian Mbape brenda zonës së rreptësisë.
Në pjesën e dytë erdhi goli i nderit për miqtë. Një gol që u realizua me penallti nga Frankovski, i cili ka mposhti Donarumën me një goditje të fortë me të djathtën, duke fiksuar shifrat përfundimtare në 3-1.
Reali i Madridit është kthyer te fitoret në kampionat. “Los Blancos” mundën 0-2 Kadizin në transfertë. Ekipi i Ançelottit vuajti shumë për të gjetur golin e avantazhit dhe e bëri diçka të tillë vetëm 20 minuta nga fundi me Fernandez. Më pas, Asensio vendosi përfundimisht fatin e takimit.
Madrilenët renditen në vendin e dytë, 10 pikë më pak se Barcelona kryesuese dhe shanset për titullin janë pothuajse zero. Kadiz pozicionohet pranë zonës së rënies nga kategoria.
Lini një Përgjigje