
FIFA ka publikuar ditën e sotme edhe renditjen përfundimtare për vitin 2023 për kombëtaret.
Ky vit ishte fantastik për kuqezinjtë e udhëhequr nga Silvinjo, të cilët kanë siguruar për herë të dytë në histori fazën finale të një kompeticioni europian.
Por gjithsesi në renditjen përfundimtare, Shqipëria nuk ndryshon në krahasim me muajin e kaluar. Kuqezinjtë mbajnë vendin e 60 me 1382.69 pikë.
Ndërkohë nga ana tjetër Kosova renditet e 101 me 1202.77 pikë, gjithashtu e njëjtë si muajin nëntor.
Ndërkohë Argjentina e mbyll vitin 2023 lidere e klasifikimit, ndërsa ndiqet nga Franca dhe Anglia. Në top-5 janë edhe Belgjika dhe Brazili.

Lini një Përgjigje