FLASH
Shkruar nga Pamfleti
Barazimi i sotëm mes Ankaragyçy dhe Istanbulspor në Superligën turke, kishte si protagonist një futbollist shqiptar, Florian Loshajn. Mesfushori i Istanbulspor, shënoi një supergol në fundin e pjesës së parë, në barazimin e skuadrës së tij me shifrat 1-1.
Loshaj fitoi topin pranë zonës kundërshtare, kaloi me një rrotullim “alla-Zidan” një mbrojtës e pastaj lëshoi një të majtë të pakapshme për portierin, duke i dhënë avantazhin ekipit në shtesën e kësaj pjese.
Një gol spektakolar, të cilin mesfushori i përfaqësues së Kosovës e festoi me shqiponjë para tifozëve të skuadrës së tij. Ky ishte goli i tretë personal për këtë edicion në elitën e futbollit turk për Loshajn, i cili iu bashkua kësaj skuadre në janarin e vitit 2023.
Lini një Përgjigje