
Karim Benzema do të largohet këtë verë nga Reali i Madridit. Lajmi është bërë i ditur nga “brfootball”.
Oferta nga Arabia Saudite duket e parezistueshme për francezin. Sipas Gianluca di Marzio, sulmuesi francez do të njoftojë divorcin menjëherë pas përfundimit të La Ligës. Futbollisti ka mbajtur mbi supe për 14 vite sulmin e “Los Blancos”, duke qenë një makineri golash.
Marrëveshja, raportohet se është pothuajse e mbyllur dhe francezi do të marrë një pagë prej 100 milionë euro në vit nëse do të bashkohet me kundërshtarët e Kristiano Ronaldos, njëkohësisht kampionët e këtij sezoni në Arabinë Saudite, Al Ittihad.
Kontrata e Benzema me Realin përfundon më 30 qershor, gjë që e bën sulmuesin të largohet nga madrilenët me parametra zero.
Reali i Madridit tashmë duhet të nisë nga puna për të gjetur zëvendësuesin. Në listë janë emra si Herri Kejn, Dushan Vlahoviç dhe Viktor Osimhen.
Lini një Përgjigje