FLASH
Shkruar nga Pamfleti
Festivali më i njohur i këngës në botë, Eurovision 2023 pritet të nisë ditën e nesërme më 9 maj, ndërsa po kryehen edhe provat e fundit.
Pas fitores së Ukrainës vitin e kaluar dhe pamundësisë për të pritur festivalin për shkak të pushtimit nga Rusia, edicioni i këtij viti do të mbahet në Liverpool Arena, në Mbretërinë e Bashkuar.
Siç ka ndodhur që nga viti 2008 për shkak të numrit të madh të pjesëmarrësve, Eurovizioni përbëhet nga tri mbrëmje; dy gjysmëfinalet 9 dhe 11 maj dhe në fund nata finale më 13 maj.
Mes 37 konkurrentësh, Shqipëria do të përfaqësohet nga këngëtarja Albina Kelmendi dhe familja e saj me këngën “Duje” në gjysmëfinalen e dytë të “Eurovision”.
Në një kohë kur duhet të kryenin provat e performancës së tyre, familja Kelmendi nuk ka mundur të udhëtojë drejt Britanisë. Mësohet se shkak për këtë është bërë mungesa pajisjes me pasaportë shqiptare, edhe pse po përfaqësojnë vendin tonë në Eurovizion.
Tri shfaqjet live do të prezantohen nga këngëtarja britanike Alesha Dixon, aktorja britanike Hannah Ëaddingham dhe këngëtarja ukrainase Julia Sanina, ndërsa prezantuesi i televizionit irlandez Graham Norton do bashkohet në finale.
Lini një Përgjigje