FLASH
Shkruar nga Pamfleti
Në Milano sot po mbahen homazhet në nder të Giorgio Armanit, ikonën e modës italiane.
Arkivoli i stilistit të madh, ishte i rrethuar nga trëndafila të bardhë dhe qindra fenerë, ndërsa mijëra njerëzish i bënë sot nderimet e fundit.
Rreth 6 mijë persona, mes tyre familjarë, bashkëpunëtorë, figura të njohura të artit, politikës dhe modës, si edhe qytetarë të thjeshtë, u rreshtuan për të dhënë lamtumirën e fundit.
Homazhet do të zhvillohen gjatë gjithë fundjavës, pra të shtunë dhe të dielë, nga ora 09:00 deri në orën 18:00. Por ka disa rregulla. Për të respektuar atmosferën solemne dhe privatësinë e familjes, është rreptësisht e ndaluar të bëhen foto apo video, si brenda ashtu edhe jashtë ambientit.
Pas homazheve gjatë fundjavës, trupi i pajetë i Giorgio Armanit do të përcillet për në banesën e fundit të hënën, më 8 shtator, në një ceremoni krejtësisht private, sipas dëshirës së tij.
Vetëm një numër shumë i kufizuar personash, rreth njëzet vetë, do të jenë të pranishëm. Vendi i ceremonisë nuk është bërë publik.
Të gjitha dyqanet e grupit Giorgio Armani do të qëndrojnë të mbyllura gjatë ceremonisë, në shenjë respekti.
Lini një Përgjigje