FLASH
Shkruar nga Pamfleti
Sipas ftesës, Kurti duhet të paraqitet në Prokurorinë Speciale më 16 dhjetor 2024...
Kryeministri i Kosovës, Albin Kurti është thirrur nga Prokuroria Speciale.
Lajmi është bërë i ditur nga zëdhënësi i Qeverisë së Kosovës, Përparim Kryeziu. Ai ka njoftuar se Prokuroria Speciale e Kosovës ka dërguar një ftesë për kryeministrin Albin Kurti, teksa ndodhej në mbledhje të Kryesisë së VV-së për të përmbyllur listën e kandidatëve për deputetë.
Në reagimin e tij, Kryeziu pretendon se përmes kësaj ftese po tentohet të ndërhyhet në zgjedhje.
“Teksa kryeministri Kurti ndodhet në mbledhje të Kryesisë së Lëvizjes VETËVENDOSJE! për të përmbyllur listën e kandidatëve për deputetë nga koalicioni LVV, Guxo dhe Alternativa në zgjedhjet e vitit 2025, nga kryeministria më njoftuan se ka ardhur një ftesë për të nga Prokuroria Speciale.Në zgjedhjet e kaluara kishte një vendim gjyqësor i cili ia kishte pamundësuar kandidimin në garën zgjedhore të 14 shkurtit 2021, kurse tash përmes kësaj ftese po tentohet ndikimi në rezultatin e zgjedhjeve të 2025. Qëllimi mbetet i njëjtë. Metoda ka ndryshuar. Kjo është ndërhyrje e sistemit të drejtësisë në proces zgjedhor”, shkruan Kryeziu.
Sipas ftesës, Kurti duhet të paraqitet në Prokurori Speciale më 16 dhjetor 2024. Në Prokurori Speciale më herët është paraqitur edhe zyrtarja e lartë e VV-së, Dejona Mihali. Nuk dihet se për çfarë bëhet fjalë dhe a ka lidhje me veteranët e UÇK të ndaluar tashmë nga Gjykata Speciale.
Lini një Përgjigje