FLASH
Shkruar nga Pamfleti
Kryetari i grupit parlamentar i PD-së, Gazment Bardhi ka sqaruat arsyet që quan opozitën të merrte vendimin për t’u ulur për t’u ulur me Partinë Socialiste.
Në një intervistë për emitonin ‘Çim Peka LIVE’ në ‘Syri Tv”, Bardhi u shpreh se rezistenca prej 5 muajsh e opozitës e detyroi Edi Ramën që e detyroi atë të tërhiqej dhe të ulej me opozitën.
“Unë nuk kam lënë gjë rrugës. Ne kemi reaguar ndaj një vendimi konkret të mazhorancës. Kishte 2 komisione hetimore që ishin kërkuar në seancën e 12 tetorit dhe që u rrëzuan dhe reagimi ynë erdhi për shkak të atij vendimi. Në momentin që Edi Rama vendos që pas 5 muajsh rezistencë të deputetëve të opozitës, që të zhbëjë vendimmarrjen e tij të gabuar dhe antikushtetuese, kjo nuk mund të konsiderohet si legenosje e opozitës.
Përkundrazi ishte rezistenca jonë që detyroi Edi Ramën të tërhiqej nga vendimi i 12 tetorit 2023, për rrëzimin e të dy komisioneve hetimore. Nuk ka pasur asnjë negociatë për të drejtat tona, ishte një reflektim i mazhorancës që ishte një vendim i gabuar që duhej të ulej me opozitën për të respektuar të drejtat e opozitës.
Sipas Kushtetutës mazhoranca dhe opozita do të duhet të dakordësojë objektin e hetimit. E vetmja çështja për të cilën mund të diskutohet në organet e kuvendit kur paraqitet një kërkesë për komision hetimor, është objekti, duhet të të ketë dakordësi për objektin. Ka dhjetëra vendime të Gjykatës Kushtetuese në të cilën thuhet se e vetmja çështje që mazhoranca mund të ketë një propozim alternativ, ku nuk diskuton ngritjen e komisionit, por mund të diskutojë vetëm objektin”, deklaroi Gazment Bardhi.
Lini një Përgjigje