FLASH
Shkruar nga Pamfleti
Presidentja e KE-së Ursula Von der Leyen pas samitit BE-Ballkani Perëndimor, tha se do jepen më shumë akses për vendet e këtij rajoni në kapitalin financiar.
Nga Brukseli, Ursula tha se BE ka në dispozicion 300 milionë euro për të mbështetur reformat dhe se hapi i parë do të jetë integrimi i vendeve të BP në tregun e përbashkët europian.
Në këtë iniciativë të BE-së për vendet e Ballkanit Perëndimor, Shqipëria dhe Mali i Zi do të bashkohen vitin që vjen.
“Duhen reforma dhe investime. Kemi reforma shumë ambicioze për të zbatuar nga partnerët tanë në Ballkanin Perëndimor. Këto reforma do të mbështeten me fonde. Kemi 300 milionë euro për të mbështetur reformat. Hapi i parë do të jetë interimi i tyre në tregun e përbashkët europian. Do ta bëjmë akoma më të lehtë dhe më funksionale, kalimin e kufijve.
Do të japim më shumë akses me kosto më të ulëta të kapitalit financiar, Shqipëria dhe Mali i Zi do të bashkohen në këto iniciativa vitin që vjen dhe vendet e tjera më pas. Ajo që u vendos në procesin e Berlinit është e rëndësishme që lidhen me ECOMERC dhe duhet të thyejnë dhe barrierat mes kapitalit njerëzor”, tha Von der Leyen.
Lini një Përgjigje