FLASH
Shkruar nga Pamfleti
Lulzim Basha e ka kritikuar ashpër marrëveshjen e arritur mes PS dhe PD për ndryshimet në kodin zgjedhor që parashikon mbylljen pjesërisht të listave zgjedhore.
Nga foltorja e parlamentit, Basha tha se kjo marrëveshje do të finalizohet me akte të tjera që PS dhe PD do të kryejnë kundër SPAK-ut. Ai i quajti deputetët që e mbështetën këtë marrëveshje si njerëz të bindur ndaj liderëve që shpresojnë se do të jenë pjesë e listave të tyre.
“Sot mbyllet për këtë sezon me pazarin për listat e mbyllura. Berisha dhe Rama ndërtojnë skalione të njerëzve të bindur, që i thonë këmbës dorë. Njerëz të mjerë që shpresojnë se ditën mund të jenë me Saliun, natën me SPAK-un dhe prap së prap në listat e Saliut.
Me formulën e votuar dje dhe që pritet të votohet sot, i jepet pushteti për katër vjet Edi Ramës. Në këmbim të goditjes me çdo kusht dhe çdo mjet të SPAK-ut. Akti i fundit i këtij pazari do të luhet me aktet që do të ndërmerren kundër SPAK-ut, ky parlament duhet të shpërbëhet si fenomeni më famëkeq i parlamentarëve që i kundërvihen interesave të shqiptarëve”, tha ndër të tjera Basha.
Lini një Përgjigje