FLASH
Shkruar nga Pamfleti
Ditën e sotme, pritet të finalizohen strukturat e reja të Kuvendit, me miratimin e propozimeve të opozitës për komisionet e përhershme parlamentare dhe delegacionet ndërkombëtare.
Pas një sërë thirrjesh nga ana e socialistëve për konstituimin e plotë të Kuvendit, demokratët i dorëzuan emrat e anëtarëve të komisioneve të martën, megjithatë, parashikohen tensione mes palëve. Seanca e fundit plenare zgjati shumë pak dhe programi qeverisës u vota me 82 vota pro mes zhurmës, në kohë rekord. Pikërisht kjo seancë, ka shkaktuar debatet sot mes palëve. Kryedemokrati Sali Berisha kërkoi “rikthim të asaj seance”, duke e cilësuar “njollë turpi”.
Më pas opozita në fjalën e tyre kanë sulmuar Niko Peleshin, se ai nuk është kryetar i Kuvendi, por i përzgjedhur nga Edi Rama.
“Moralisht nuk jeni kryetar, është diçka njerëzore. Parlamenti u përket shqiptarëve, nuk është oborr i kryeministrit”, i tha deputeti Tomor Alizoti kryetarit të Kuvendit.
“A keni turp që edhe ministrat tuaj nuk kanë folur?!”, shtoi Luçiano Boçi.
Lini një Përgjigje