FLASH
Shkruar nga Pamfleti
Aktivistët e Lëvizjes Bashkë kanë zhvilluar paraditen e sotme një protestë pranë Kuvendit, teksa kundërshtojnë rritjen e pagave të deputetëve.
Në momentin që deputeti Arben Ahmetaj ishte para parlamentit, aktivistë të partisë kanë hedhur në drejtim të tij tufa me para, simbol i korrupsionit, për të cilin akuzohet ish zv. Kryeministri. Ahmetaj ka ndërruar rrugë sapo ka parë aktivistët.
Aktivistët e kanë shoqëruar aktin me thirrjet "Hajde Tigër, je i korruptuar. O tigër! Hajde tigër. Eja! Je i korruptuar, edhe ti je i korruptuar. T'ju vijë turp zoti deputet.”
Anëtari i Këshillit Bashkiak Redi Muçi, është shprehur se parlamenti shqiptar është kthyer në një ambient luksi.
“Ben Ahmetaj në njëfarë mënyrë përfaqëson në mënyrën më ekzemplare të mundshme korrupsionin e kësaj qeverie dhe të këtyre deputetëve. Po ja i bëri bisht dhe kësaj proteste që jemi këtu. Nëse hyni brenda kësaj salle dhe i drejtoni kamerat një nga një nga ato ulëse, do shihni se si parlamenti shqiptar është kthyer në një ambient luksi”- tha ai.
Ahmetaj akuzohet për shpërdorim detyre, korrupsion, përfitime të paligjshme dhe pastrim parash.
Lini një Përgjigje