FLASH
Shkruar nga Pamfleti
Policia e Tiranës ka dalë me një njoftim zyrtar lidhur me zjarrin në një pallat në zonën e Astirit në Tiranë, ku si pasojë e tymit u krijua panik mes banorëve, që nuk arrinin të dilnin nga banesat.
Në njoftimin e saj policia sqaron se zjarri ka përfshirë kabinën e transformatorit në katin e parë të një pallati në rrugën “Foto Xhavella”, rreth orës 14:10 të datës 4 prill 2025.
"Menjëherë pas ngjarjes, shërbimet e policisë mbërritën në vendngjarje dhe nisën evakuimin e banorëve, ndërsa forcat zjarrfikëse arritën të neutralizojnë flakët. Fatmirësisht, nuk raportohet për persona të lënduar.
Aktualisht, grupi hetimor po punon për të përcaktuar shkaqet e zjarrit, ndërkohë që banorët janë rikthyer në banesat e tyre pasi situata u vu nën kontroll", njofton Policia.
Lini një Përgjigje