FLASH
Shkruar nga Pamfleti
Gjykata ka dënuar me 22 vite burg 34-vjeçarin Lek Vuksani, autorin e vrasjes së 51-vjeçarit Petrit Vuksani, ngjarje e ndodhur më 2 maj në lagjen “Skënderbeg” në Shkodër.
Para togave të zeza prokuroria paraqiti provat që e implikojnë 34-vjecarin në krimin e ndodhur në rrugën Tom Kola.
Avokati mbrojtes ka kerkuar testin paikologjik per autorin e ngjarjes por kjo nuk eshte pranuar nga gjyqtari i çeshtjes.
Ngjarja ndodhi rreth orës 12:15 pas një konflikti për qiranë e banesës në pronësi të viktimës. 51-vjeçari Petrit Vuksani i kërkoi qiraxhiut të tij qiranë e banesës ku jetonte, kjo mesa duket ka nxitur konfliktin mes tyre dhe më pas ka përshkallëzuar deri në përdorimin e armës së zjarrit automatik nga 34-vjeçari.
Në momentet e fundit të jetës së tij, Petrit Vuksani ndodhej në shtëpinë e tij dhe sapo ishte kthyer nga Anglia ndërsa vajzat e tij banojnë në Itali.
Ngjarja duket se ka qenë e paramenduar, pasi Lekë Vuksani në momentin kur ka shkuar në banesë ka qënë i armatosur dhe ka hapur zjarr ndaj viktimës.
Raportohet po ashtu se autori i dyshuar nuk njihej si person problematik dhe rezulton pa precedent të mëparshëm penal.
Kujtojmë se pavarësisht mbiemrit të njëjtë, mes viktimës dhe autorit nuk ka lidhje familjare.
Lini një Përgjigje