FLASH
Shkruar nga Pamfleti
“Arrest me burg” vendosi Gjykata e Fierit ndaj Xhesion Toromënit, i cili akuzohet se është autori i vrasjes së Besmir Kumrias, pas një konflikti që pati mes tyre për një kanal uji.
Mbi 25 vjeçarin rëndojnë akuzat “Vrasja me paramendim” dhe “Prodhimi dhe mbajtja pa leje e armëve të ftohta”.
Krimi ndodhi në 19 gusht, në ambientet e jashtme të një lokali në Kryekuq të Divjakës ku pas dy goditjeve me thikë mbeti i plagosur rëndë 32- vjecari Besmir Kumria. Ky i fundit ishte në shoqërinë e miqve të tij dhe pavarësisht përpjekjeve të dëshmitarëve okularë për ta shpëtuar, nuk ka mundur tu mbijetojë plagëve të marra.
Menjëherë pas krimit, autori u largua duke përfituar edhe nga errësira, por u kap pas disa orësh nga shërbimet operacionale të Drejtorisë Vendore të Policisë Fier.
Nga hetimet paraprake dyshohet se Xhesion Toromani e ka vrarë 32-vjeçarin pasi familjet e tyre kanë patur konflikte të vazhdueshme për një kanal vaditës në fshat megjithatë motivet ende mbeten të paqarta.
Besmir Kumria punonte në zonën e Himarës gjatë muajve të verës së bashku me vëllain e tij ndërsa autori për 7 vite nuk kishte shkelur në Kryekuq.
Lini një Përgjigje