FLASH
Shkruar nga Pamfleti
Dy persona janë arrestuar në Elbasan, pasi në makinën me të cilin udhëtonin u është gjetur një armë zjarri kallashnikov.
Në pranga kanë rënë Aurel Kaçaniku, 32 vjeç i dënuar më parë në Gjermani, i cili ishte shofer dhe Renaldo Sadushi 30 vjeç me precedent për plagosje dhe për kundërshtim të punonjësve të Policisë, i cili ishte pasagjer.
Gjatë kontrolleve është gjetur nën sediljen e pasagjerit, 1 armë zjarri kallashnikov me municion luftarak.
“Në kuadër të operacionit, shërbimet e Policisë, në bazë të informacioneve të siguruara gjatë hetimit proaktiv, kanë ndaluar për kontrolle, në rrugën "Iliaz Kosova", automjetin me drejtues shtetasin A. K., 32 vjeç (i dënuar më parë në Gjermani), dhe me pasagjer shtetasin R. S., 30 vjeç (me precedent për plagosje dhe për kundërshtim të punonjësve të Policisë).
Gjatë kontrolleve është gjetur nën sediljen e pasagjerit, 1 armë zjarri kallashnikov me municion luftarak, që posedohej pa leje nga të arrestuarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njofton policia.
Lini një Përgjigje