FLASH
Shkruar nga Pamfleti
"Në banesën time erdhi një oficer policie, i cili më tha se vajza ka vdekur. Nuk e di çfarë bëra. Ndoshta bërtita, as nuk mbaj mend. Ajo është më e vogla nga tre fëmijët e mi. E dua shumë. Nuk mund ta imagjinoj jetën pa të"
Të tjera detaje janë zbardhur nga krimi i ndodhur në Kanada, ku shqiptarja 29-vjeçare Savannah Kulla u ekzekutua në një parking në Brampton.
Mediat kanë publikuar dëshminë e nënës së viktimës, Karen Kulla. Sipas saj, Savannah Kulla, shkoi të takonte 38-vjeçarin Anthony Deschepper pasi pranoi ta lejonte atë të kalonte disa orë me vajzën e tyre 17-muajshe. Karen tha se vajza e saj ishte nënë e katër fëmijëve.
Gjatë takimit të tyre, Karen tha se Savannah u qëllua dhe u vra.
“Thjesht nuk mund ta besoj që ajo ka ikur”, tha Karen, duke shtuar “ishte kaq e bukur, shumë e bukur. Zakonisht i qëndronte besnike gjërave, ishte e zgjuar dhe e bukur dhe ne e donim shumë”.
Të martën, rreth orës 14:00, Policia Rajonale e Peel iu përgjigj raportimeve se një grua ishte qëlluar me armë në parkingun e një qendre tregtare në zonën e Airport Road dhe Queen Street East në Brampton. Gruaja u shpall e vdekur në vendngjarje.
Karen tha se vajza e saj dhe Deschepper ishin më parë në një lidhje, por ishin ndarë disa muaj më parë.
“Ajo më tha, rreth një muaj më parë, 'nëse qëndroj me të, ai do të më vrasë'”, tha Karen. Në vijim ajo rrëfeu momentin se si mori vesh për vdekjen e vajzës së saj.
“Në banesën time erdhi një oficer policie, i cili më tha se vajza ka vdekur. Nuk e di çfarë bëra. Ndoshta bërtita, as nuk mbaj mend. Ajo është më e vogla nga tre fëmijët e mi. E dua shumë. Nuk mund ta imagjinoj jetën pa të", shprehet Karen.
Nëna e viktimës pretendon se policia i tha se të shtënat fatale erdhën pas një mosmarrëveshjeje për një çantë pelenash.
“Nga ajo që kam dëgjuar, ai i tha asaj: ‘më duhet çanta e pelenave’. Ajo tha: ‘do ta marr unë’. Ai tha: ‘E harrove çantën e mallkuar të pelenave’ dhe pastaj e vetmja gjë që dëgjova ishte se kishte tre të shtëna”, pohon Karen.
Sipas Global Neës, autori i krimit, i cili u ekzekutua nga policia në një përpjekje për ta arrestuar, ishte i kërkuar në vitin 2023 për vepra penale që lidhen me armë zjarri, pasi u akuzua për të shtëna me armë në një rezidencë në Brampton.
Një urdhër arresti për të u lëshua dhe ai u arrestua disa javë më vonë nga policia rajonale e Ëaterloo-s. Këto akuza ishin ende në gjykatë me një datë gjyqi të caktuar për vitin 2026. Ai ishte liruar me kusht duke pritur këtë gjyq.
Karen tha se e pyeti Savannah-n nëse Deschepper kishte armë.
"I thashë, 'më premto se nuk ka armë. Jo, mami, të betohem se nuk mban armë, nuk ka më armë.' E di, kjo ishte budallallëk", shprehet nëna e 29-vjeçares.
Në vijim, Karen tregon se Deschepper e shqetësonte në telefon, aq sa Savannah kishte ndryshuar edhe numrin.
"Ai e çmendi në telefon. Ajo e ndryshoi numrin, por ai e gjeti dhe e merrte përsëri, ndoshta 50, 60, 70 herë në ditë. Dhe ndonjëherë ajo i fliste, por i thoshte 'qëndro larg meje, më lër rehat'", shprehet Karen. /Pamfleti/
Lini një Përgjigje