FLASH
Shkruar nga Pamfleti
Alban Bejo është lënë në burg nga Gjykata e Tiranës pasi së bashku me vëllanë e tij, Fatmir Bejo që ndodhet në kërkim, morën peng biznesmenin Gjergji Fela me pretendimin e një borxhi 25 mijë euro.
Bëhet me dije se Alban Bejo ka pretenduar para togave të zeza të dhomës penale, se nuk e kanë marrë peng 47-vjeçarin që ishte biznesmen në fushën e ndërtimit, por i kanë kërkuar shlyerjen e borxhit financiar që pretendon se iu kishte.
"Kontaktuam për tu takuar me Gjergjin. Ai i ka marrë një shumë prej 25 mijë eurosh vëllait tim, Fatmirit. Pavarësisht se u kontaktua disa herë dhe iu kërkua detyrim, nuk e shleu. E kemi thirrur vetëm për t’i kërkuar paratë tona, se kemi marrë peng", u shpreh Bejo.
Alban dhe Fatmir Bejo, në bashkëpunim me njëri-tjetrin, morën me forcë, me automjet, nga vendparkimi i një lokali, 47-vjeçarin, duke e kanosur e dhunuar atë, me pretendimin se u kishte borxh një shumë parash prej 25 mijë euro. Dy autorët rezultojnë me precedentë të mëparshëm penal, në organizimin e lotarive të paligjshme të fatit por edhe për vepra të tjera penale në fushën e krimit ekonomik. Ndërkohë, biznesmeni i fushës së ndërtimit, Gjergji Fela nuk rezulton i skeduar për veprimtari kriminale.
Lini një Përgjigje