FLASH
Shkruar nga Pamfleti
Karabinierët e Raguzës kanë zhvilluar një operacion në komunën Vittoria dhe Chiaramonte Gulfi, në ndjekje të personave të kërkuar apo që kryenin aktivitete të paligjshme.
Mes 3 të arrestuarve ka qenë edhe një shqiptar, teksa rëndojnë akuza për krime të lidhura me posedimin e lëndëve narkotike dhe municionit.
Shqiptari gjithashtu ishte i shpallur në kërkim për grabitje të rëndë të ndodhur në vendin fqinj në vitin 2003.
Pasi më 30 Tetor ishte ndaluar një nga të dyshuarit e grupit të shitjes së drogave në qytet, 27-vjeçari me inicialet C.G., pak ditë më parë u kap edhe 45-vjeçari M.A., një shtetas shqiptar, pasi ndaj tij kishte edhe urdhër-ndalimi nga Gjykata e Apelit të Katanias.
Ai ishte në kërkim në lidhje me një grabitje të rëndë të kryer në mars të vitit 2003, në zonën e Ippës, teksa po hetohet edhe për përfshirje në aktivitete të tjera të paligjshme, bashkë me dy të tjerët.
Pas prangosjes, u izolua në Burgun e Raguzës, ku ndodhet në dispozicion të organeve të drejtësisë.
Lini një Përgjigje