FLASH
Shkruar nga Pamfleti
Interpol Tirana ka arrestuar në burgun e Fierit 36-vjeçarin nga Vlora Armand Lushaj (Jazaj).
Arrestimi i këtij shtetasi u bë pasi Gjykata e Apelit të Firences e ka dënuar me 9 vjet burgim për veprën penale “Trafikimi i narkotikëve”, e parashikuar nga Kodi Penal i Italisë.
Nga dënimi total i dhënë nga gjykata italiane 33-vjeçarit i ka mbetur të kryej dhe 7 vjet, 8 muaj e 4 ditë burgim.
Ky shtetas dyshohet se në periudhën 2016-2018, ka trafikuar sasi të konsiderueshme kokaine dhe cannabisi, në qytetet Firence, Arezo, Brindisi dhe Rieti, Itali.
I riu ndodhej në burgun e Fierit, pasi Gjykata e Vlorës i ka caktuar masën e sigurisë “Arrest në burg”, për veprat penale “Vrasja me dashje, mbetur në tentativë, dhe “Prodhimi dhe mbajtja pa leje e armëve, armëve shpërthyese dhe i municionit”.
Në vitin 2020, në lagjen “29 Nëntori”, Vlorë, ky shtetas ka tentuar të vrasë me armë zjarri pistoletë, shtetasin A. Xh., të cilin e ka lënë të plagosur.
36-vjeçari u arrestua në Greqi dhe në muajin korrik të vitit 2023, u ekstradua nga Greqia për në Shqipëri.
Arrestiumi provizor i Lushaj u bë, me qëllim ekstradimin drejt Italisë.
Lini një Përgjigje