Detaje të reja janë zbardhur nga pengmarrja në kryeqytet. Grupi i rrëmbyesve, të cilët u arrestuan nga Policia e Tiranës, pretendojnë se 68-vjeçari kishte lidhje intime me Nikoleta Begollin, një nga pesë të arrestuarit.
Autorët i kanë thënë të moshuarit se Nikoleta është njeriu i tyre dhe e kanë marrë me forcë brenda në automjet.
Edhe vetë e arrestuara pretendon se kishte lidhje intime me 68-vjeçarin Edvar Agalliu, por ky i fundit e ka mohuar.
Autorët më pas e kanë mbajtur peng për rreth pesë orë në fshatin Kakunjë.
Ka qenë një familjar i të rrëmbyerit ai që ka njoftuar policinë, të cilët më pas identifikuan personat e përfshirë në pengmarrje.
Të arrestuarit janë Sulejman Sina, Klinton Sina, Idajet Mashollari, Bajram Ibraliu dhe Nikoleta Begolli.
Lini një Përgjigje