FLASH
Shkruar nga Pamfleti
Këtë të premte u zbulua një magazinë ku fshihej lëndë narkotike dhe përgatitej për shitje në doza në Tiranë.
Në pranga nga operacioni i koduar “Warehouse”, u arrestuan pesë persona, ku më konkretisht shtetasit Xhoi Zina, Redion Kuqi, Erdi Gjiriti, Ardit Citaku dhe Anxhelina Koçi.
Policia sekuestroi 9 kilogramë Cannabis Sativa, sasi Kokaine, 2 armë zjarri, 2 armë të ftohta, 2 automjete, 6 celularë dhe sende të tjera të kundërligjshme.
Gjatë operacionit policor të Komisariatit nr. 4, ranë në pranga pesë persona mes tyre edhe një vajzë. Ndërkohë nga kontrollet e kryera në magazinë blutë gjetën një valixhe me 9 kilogram lëndë narkotike, të dyshuar kanabis sativa të ndarë në pako dhe një armë zjarri pistoletë.
Sasia e drogës e ambalazhuar brenda valixhes, dyshohet se është marrë nga një grup kriminal nga Sukthi dhe është sjellë në Tiranë, nga Xhoi Zina 25 vjeç në bashkëpunim me të fejuarën e tij 22-vjeçare, Anxhelina Koçi, me një automjet tip "Toyota Yaris" në magazinën në pronësi të babait të Redion Kuqit. Lëndën narkotike e ruante Erdi Gjirishti, i cili gjithashtu e shoqëronte çiftin teksa transportonin drogën me makinë.
Një tjetër i përfshirë në këtë veprimtari kriminale, është edhe Ardit Çitaku, 22-vjeç. Në momentin e operacionit ka qenë i pranishëm në magazinë, ku dhe i janë sekuestruar disa doza kokaine.
Gjatë kontrollit në shtëpinë e Xhoi Zinës blutë zbuluan 1 pistoletë dhe 2 armë të ftohta ndërsa të arrestuarve të tjerë, iu sekuestruan 2 makina, 6 celularë dhe një shkop bejsbolli.
Grupi hetimor dyshon se ata janë përfshirë në trafikun e drogës prej të paktën një viti. Edhe pse pesë të arrestuarit kanë pranuar akuzat dhe kanë treguar skemën që përdornin për aktivitetin kriminal mendohet të mos kenë bashkëpunuar vetëm. Policia thotë se vijon hetimet për të identifikuar të tjerë persona të përfshirë në këtë veprimtari kriminale.
Nē atē veprimtari "kriminale" po pērfshihet temērē rinia..!Nga t'ja mbajē...mungon gruaja e shtēpia..! Tre breza tē punojnē 150 mijē evro nuk mundet ti fitojnē..! Tē thonē "adijo Tiranē" , kudo tē venē do jerē "mē flamē"..!