FLASH
Shkruar nga Basir Çollaku
Nëse deputetët nuk e bëjnë këtë çka përfaqëson një plan veprimi minimal e meritojnë plotësisht rezultatin e sondazhit më të fundit të Eurobarometrit që e paraqiste parlamentin më shkallën e parafundit të besimit...
Rezoluta e mirëqeverisjes dhe antikorrupsionit e votuar me sprint parlamentar nga mazhoranca, ose reforma nr. 2 sipas vëllait të Geron/Agronit, Xhafa biss, nëse do të ishte e sinqertë dhe qëllimmirë, duhej të niste nga oborri i mazhorancës dhe më pas përtej gardhit të saj
Së pari:
Duhet të shprehte një angazhim solemn e të sinqertë real dhe jo deklarativ, të strukturuar të ndarjes kirurgjikale, drastike me krimin konvevecional dhe atë të organizuar.
Së dyti:
Në vijim të kësaj linje ndërtimi dhe funksionimi i të gjithë mekanizmave administrativë dhe ligjorë për të parandaluar dhe shmangur riciklimin dhe depërtimin e parave të pista në ekonominë legale, në PPP, koncensione, investime strategjike, kulla, resorte, etj
Së treti:
Hartimi i një kuadri ligjorë si me Italinë fqinje, që parashikon lëshimin e një certifikate sigurie, për çdo pjesëmarrës në tenderë publikë, deri në dhënien e lejeve të ndërtimit, si dhe me licencimin dhe ushtrimin e një kategorie të caktuar biznesesh private. (Codice Antimafia, Dekret ligji nr 152/2021 Dekret ligji nr 159/ 2011 dhe ligji 190/2012 për Listat e Bardha.
Së katërti:
Divorc të pakthyeshëm dhe konkret në përfshirjen e krimit të organizuar dhe personazheve të nëntokës në fushatat zgjedhore, në politikë dhe administratë.
Së pesti:
Transparencë totale dhe efektive në financimin e partive politike, dhe të fushatave zgjedhore.
Së gjashti:
Pranim pa kusht të Komisioneve Hetimore si mekanizëm i kontrollit dhe llogaridhënies par exellencë i shkallës së mirëqeverisjes dhe i nivelit të korrupsionit
Së shtati:
Duke patur parasysh se Emiratet e Bashkuara janë bërë azili i artë i shumë të kërkuarve nga drejtësia shqiptare dhe SPAK, finalizimi dhe zbatimi sa më shpejt i një marrëveshjeje ekstradimi me këtë shtet ku 53 shtete kanë nënshkruar e ratifikuar marrëveshjet e ekstradimit
Së teti:
Duke pasur parasysh se dy postet e oficerëve të kontaktit në Europol i ka pushtuar Policia e Shtetit dmth ekzekutivi, ose të lirohet një vend ose të shtohet një tjetër për një oficer kontakti nga BKH. Praktika e deritanishme dëshmon se Europol po bashkëpunon gjithnjë e më ngushtë me SPAK dhe BKH çka u vërtetua dhe me praninë e një përfaqësuesi të selisë qendrore të Europol në SPAK në operacionin e fundit revanshi
Së nënti:
Të rishikohet edhe përfaqësimi më Eurojust, aktualisht është një prokuror kontakti caktuar nga Prokurori i Përgjithshëm. D.m.th prokuror i juridiksionit të përgjithshëm. Ose ti lirohet vendi SPAK ose SPAK të dërgojë prokurorin e saj të kontaktit në Eurojust
Së dhjeti:
Qeveria të mundësojë financimin e shtimit të efektivave të BKH, numri aktual është më i vogël se një komisariat policie periferik
Së njëmbëdhjeti:
Qeveria tu lejojë akses hetuesve të BKH dhe jo të shpërndarje qarkore instruktuese për administratën se si tu mbyllë dyert atyre.
Së dymbëdhjeti:
Për të vërtetuar dashurinë e pakufishme që deklarojnë për mirëqeverisje e antikorrupsion 2030 të vetëdeklarojnë tani më 2024 për drejtuesit dhe pjesëtarët e gjitha pushteteve, legjislativ, ekzekutiv, të drejtësisë si dhe në pushtetin lokal, nëse kanë qenë apo jo përdorues të platformave Sky- Encrochat
Së trembëdhjeti:
Nëse deputetët nuk e bëjnë këtë çka përfaqëson një plan veprimi minimal e meritojnë plotësisht rezultatin e sondazhit më të fundit të Eurobarometrit të Euroneës Albania që e paraqiste parlamentin më shkallën e parafundit të besimit të publikut për institucionet me shifrën e vajtueshme 15,4 përqind. Madje edhe poshtë minorancës…
Lini një Përgjigje