FLASH
Shkruar nga Pamfleti
Pak kush do ta kishte imagjinuar se një futbollist që aktivizohet në kampionatin amerikan do të ishte kandidati kryesor për të fituar “Topin e Artë”. Megjithatë, gjithçka tregon se më 26 tetor, Lionel Mesi mund të ngjitet sërish në skenë për të marrë çmimin më prestigjioz individual në futboll.
39-vjeçari konsiderohet aktualisht favoriti absolut, madje edhe para zhvillimit të finales së Kupës së Botës ndaj Spanjës. Pas paraqitjeve të jashtëzakonshme në gjysmëfinale, vëmendja e botës së futbollit është përqendruar te kapiteni i Argjentinës.
Mesi kryeson listën e golashënuesve të turneut me tetë gola, ndërsa ka regjistruar edhe katër asiste, statistika që e vendosin në krye të garës për “Topin e Artë”. Finalja ndaj Spanjës mund t'i japë një tjetër shtysë kandidaturës së tij.
Në garën për këtë çmim nuk duket se ka një rival të denjë. Edhe pse Spanja ka arritur në finale, asnjë prej futbollistëve të saj nuk ka spikatur aq shumë individualisht gjatë sezonit në nivel klubesh, ndërsa suksesi i kombëtares iberike është ndërtuar mbi forcën e grupit dhe jo mbi një protagonist të vetëm.
Nga ana tjetër, Kilian Mbape humbi mundësinë për të forcuar kandidaturën e tij pas eliminimit të Francës, ndërsa Herri Kejn nuk arriti ta çonte Anglinë në finale. Edhe Lamin Jamal ka qenë më pak ndikues gjatë këtij Botërori, duke mbetur larg pritshmërive.
Në këto kushte, Lionel Mesi mbetet favoriti kryesor për të fituar “Topin e Artë 2026” dhe për të hyrë edhe një herë në histori, duke siguruar për herë të nëntë trofeun më të rëndësishëm individual në futboll.
Mesi meriton gjithe titujt,gradat,nderimet , vleresimet dhe respektet e institucioneve te larta sportive dhe mbare sportashesit boterore.Respekt dhe mirnjohje per yllin e futbollit boterore Lionel Mesi.