FLASH
Shkruar nga Pamfleti
Zyrtari i Kremlinit, Yury Ushakov tha se Rusia ka marrë një ofertë “të pranueshme” nga SHBA-të për zgjidhjen e konfliktit në Ukrainë, pas një vizite të të dërguarit të posaçëm të SHBA-së, Steve Witkoff në Moskë.
Ushakov foli lidhur me bisedimet mes Witkoff dhe Presidentit rus Vladimir Putin, ndërsa theksoi se Moska ka marrë një propozim nga amerikanët që është gati ta shqyrtojë, pa treguar detaje të mëtejshme.
Ushakov theksoi gjithashtu se Rusia dhe SHBA-të kanë tema për të diskutuar, ndërsa ranë dakord me pikëpamjen e Sekretarit të Shtetit të SHBA-së, Marco Rubio, i cili i përshkroi bisedimet si “një ditë të mirë”.
Rubio shtoi se “kemi ende shumë rrugë për të bërë, por sigurisht që jemi më afër paqes sot sesa ishim dje, kur nuk ishim fare afër”.
Ndihmësi i Kremlinit e cilësoi më herët takimin Putin-Witkoff “të ngjashëm me biznesin dhe konstruktiv”, duke shtuar se “lidhjet ruso-amerikane mund të zhvillohen sipas një skenari krejtësisht të ndryshëm, me përfitim të ndërsjellë”, krahasuar me tensionet e gjata mbi Ukrainën.
Ai zbuloi gjithashtu se Putin mund të takohet me Trumpin që javën e ardhshme. Presidenti rus sugjeroi se Emiratet e Bashkuara Arabe mund të jenë vendi ku do të zhvillohet samiti.
Lini një Përgjigje