FLASH
Shkruar nga Pamfleti
Shtëpia e Bardhë tha të martën se Presidenti Donald Trump kishte propozuar riemërtimin e dy qendrave kryesore të transportit me emrin e tij, në një bisedë me udhëheqësin e pakicës në Senat, Chuck Schumer.
"Është diçka që presidenti e përmendi në bisedën e tij me Chuck Schumer", tha zëdhënsja e Shtëpisë së Bardhë, Leavitt.
CNN raportoi javën e kaluar se Trump i tha Schumer se më në fund ishte i përgatitur të hiqte ngrirjen e miliarda dollarëve në fonde për një projekt të madh infrastrukturor në Nju Jork nëse Schumer pranonte të riemërtonte Stacionin Penn të Nju Jorkut dhe Aeroportin Ndërkombëtar Dulles të Uashingtonit me emrin e tij.
Por javën e kaluar, Trump u tha gazetarëve se ishte sugjerimi i Demokratit të Nju Jorkut, një shpjegim që Schumer e hodhi poshtë shpejt si një "gënjeshtër absolute".
“Chuck Schumer më sugjeroi këtë në lidhje me ndryshimin e emrit të Stacionit Penn në stacionin Trump. Më sugjeruan shumë njerëz, sindikata, demokratë, republikanë, shumë njerëz. Asgjë nuk është bërë për këtë”, u tha Trump gazetarëve në bordin e Air Force One.
Kjo nuk është tentativa e parë e Trump për të vendosur emrin e tij në godina ose institucione të ndryshme. Pak kohë më parë ai propozoi ngritjen e një kopje të ‘Harkut të Triumfit’, në Uashington, që do të quhej “Harku i Trumpit”.
Lini një Përgjigje