FLASH
Shkruar nga Pamfleti
Autoritet spanjolle kanë kapur më shumë se tetë ton hashash në Ibiza. Kjo është sasia më e madhe e kapur deri më tani në ishull.
Sipas mediave spanjolle, anija Paiño mbërriti në portin e Ibiza-s së bashku me një tjetër varkë patrullimi për të transportuar më shumë se 8,000 kilogramë hashash të shpërndarë në dhjetëra paketime.
Siç raportohet këtë të mërkurë nga Agjencia Tatimore, agjentët e Shërbimit të Mbikëqyrjes Doganore të Agjencisë Tatimore në Ibiza, në kuadër të një operacioni të kontrollit bregdetar, ishte goditur një organizatë që transportonte drogë në furgona të dyshimtë, që më pas rezultoi ne një prej kapjeve më të mëdha të drogave në ishujt e arqipelagut Balear.
Zyrtarët e agjencisë po kryenin vëzhgim patrullimi tokësor përgjatë bregdetit të Ibizës, kur zbuluan tre furgona me kapacitet dhe magazinim të madh që qarkullonin, pothuajse pa drita, në një rrugë që lidh Sant Joan de Labritja me një nga limanet e kësaj komune.
Drejtuesit e tre furgonave, pasi kanë zbuluar mjetin e policisë së Doganës, kanë frenuar papritur, duke shkaktuar përplasje mes tyre dhe personat që banonin në zonë janë larguar përmes pyllit.
Tre furgonët e sekuestruar ishin ngarkuar me një numër të madh pako me cohë, lloji i përdorur zakonisht për trafikun e hashashit nga deti. Në total, agjentët sekuestruan gjithsej 216 pako hashash, me një peshë bruto rreth 8300 kilogramë hashash.
Hetuesit po shqyrtojnë mundësinë që organizata kriminale të përdorte ishullin Ibiza si një pikë pritjeje të përkohshme të drogës, për rishpërndarjen e mëvonshme në pika të tjera të kontinentit europian.
Lini një Përgjigje