FLASH
Shkruar nga Pamfleti
Një grua në Rusi ka marrë një gjobë të majme, pasi u akuzua se ka shpërndarë mesazhe kundër presidentit Vladimir Putin.
Gruaja u gjobit me akuzën se ka mbajtur një çantë trastë, në të cilën shkruhej: "Seksi është i lezetshëm, por vdekja e Presidentit Putin është më e mirë".
Po ashtu, ajo ka shpërndarë imazhe të çantës në rrjetet e saj sociale të cilat më pas u bënë virale dhe sollën dënimin e saj.
Gruas së identifikuar si Aleksandra, iu kërkua të paguante 30.000 rubla me arsyetimin e "diskreditimit" të ushtrisë ruse. Ky veprim është ndërmarrë në bazë të një dispozite të Kodit të Kundërvajtjeve Administrative, raportojnë mediat e huaja.
Aleksandra deklaroi se akuzat ndaj saj erdhën nga një seri pamjesh të marra nga llogaria e saj personale në Instagram. Për më tepër, imazhet tregonin një çantë që shfaqte frazën "Jo luftës" së bashku me grafite të tjera që shprehnin mospajtimin kundër përfshirjes së vazhdueshme ushtarake të Rusisë në Ukrainë.
Lini një Përgjigje