FLASH
Shkruar nga Pamfleti
Një video e re tregon lëvizjen që Trump e kishte bërë që me gjasë ia kishte shpëtuar jetën, pasi plumbi që e goditi në vesh do të shkaktonte pasoja më të mëdha.
Gjatë tubimit në Butler të Pennsylvania, Trump u qëllua në vesh nga një sulmues tashmë i identifikuar nga FBI.
Para se të goditej ai kishte lëvizur kokën gjatë fjalimit, duke shmangur goditjen në kokë që sigurisht se do t’i shkaktonte lëndime shumë më të rënda, e ndoshta edhe vdekjen.Në pjesën e sipërme të anës së djathtë të videos, shihet momenti kur plumbi lëvizë me shpejtësi, i cili më pas e godet në vesh.Në fund të videos, Trump shihet duke e mbajtur dorën në vesh që i ishte mbuluar nga gjaku.
Çfarë dimë deri tani nga sulmi ndaj Donald Trump?
Personi i armatosur: FBI e identifikoi atë si 20-vjeçarin Thomas Matthew Crooks, i cili jetonte në Bethel Park, Pensilvani, rreth 35 milje në jug të vendndodhjes së tubimit. Ai u vra në vendngjarje nga agjentët e Shërbimit Sekret. Të dhënat publike tregojnë se ai ishte regjistruar për të votuar si republikan, por bëri një donacion të vogël për një grup të lidhur me demokratët në 2021.
Kërcënime të mëtejshme: Autoritetet në një konferencë shtypi thanë se aktualisht nuk besojnë se ka ndonjë kërcënim shtesë ekzistues, por se është ende një hetim aktiv dhe është shumë herët për të thënë përfundimisht se ishte një personi të vetëm.
Viktimat: Të shtënat lanë të vdekur një pjesëmarrës dhe dy të tjerë të plagosur rëndë, thonë autoritetet. Të tre ishin burra të rritur. Edhe pse ata janë identifikuar nga autoritetet, këto detaje ende nuk janë bërë ende publike.
Gjendja e Trump: Një zëdhënës tha se Trump është “mirë”, dhe Shërbimi Sekret tha se ai ishte jashtë rrezikut. Ish-presidenti tha në rrjetet sociale se u godit nga një plumb në “pjesën e sipërme të veshit tim të djathtë”. Në orët e para të mëngjesit të së dielës, Trump u kthye në Newark, New Jersey.
Hetimi: Agjenci të shumta federale dhe shtetërore po hetojnë tani se çfarë ndodhi, si sulmuesi hyri në vendndodhjen e tij, çfarë arme u përdor dhe pyetje të tjera që ende nuk kanë marrë përgjigje. FBI i ka kërkuar publikut të paraqesë çdo informacion.
Reagimi i Biden: Presidenti Joe Biden ishte në Delaware në kohën e të shtënave, ku ai kishte planifikuar të qëndronte për fundjavën – por ai u kthye në Shtëpinë e Bardhë herët në mëngjes të dielën në mënyrë që të mund të vazhdojë të informohet nga forcat e rendit. Më herët, ai tha se kishte folur me Trump dhe dënoi publikisht të shtënat.
Lini një Përgjigje