FLASH
Shkruar nga Pamfleti
Izraeli filloi bllokadën tokësore, detare dhe ajrore të Rripit të Gazës në vitin 2007. Që atëherë, një 16-vjeçar që jeton në enklavën palestineze ka përjetuar të paktën pesë sulme izraelite.
Në vitin 2008, në moshën një vjeçare, ai dhe familja e tij u përballen me 22 ditë sulme shkatërruese ajrore dhe tokësore, raporton rrjeti Al Jazeera.
Gati 1,400 palestinezë, duke përfshirë 320 fëmijë, u vranë gjatë operacionit të ushtrisë izraelite Compact Pencil.
Në moshën pesë vjeçare, në vitin 2012, ai i mbijetoi një sulmi tetë-ditor izraelit që vrau më shumë se 80 njerëz, përfshirë 30 fëmijë.
Në vitin 2014, në moshën shtatë vjeçare, sërish ai përjetoi një sulm 50-ditor izraelit që vrau të paktën 2,310 palestinezë, përfshirë 551 fëmijë.
Në moshën 14-vjeçare, në vitin 2021, adoleshenti dëshmoi një sulm izraelit që zgjati 11 ditë dhe vrau 260 palestinezë, përfshirë 67 fëmijë.
Sot, në moshën 16-vjeçare, ai po përjeton luftën e ndezur në Rripin e Gazës që shpërtheu pasi Hamasi sulmoi Izraelin. Lufta e re ka marrë jetën e 17 mijë palestinezëve, me rreth 70% të të vdekurve në Gaza që janë gra dhe fëmijë, sipas autoriteteve të enklavës palestineze.
Një kërcënim akoma më i madh se sulmet e izraelit për adoleshentin dhe fëmijët e tjerë nuk janë vetëm bombardimet e pa ndalura por dhe i ftohti, sëmundjet, mungesa e mjekimit dhe uria. Fëmijët e Gazës po zgjohen çdo ditë në një situatë më të keqe se ajo e djeshmja.
Sëmundjet që normalisht nuk do të vrisnin fëmijët tani mund ta bëjnë pasi në këto kushte që të miturit po detyrohen të jetojnë në Gaza është më e lehtë që të infektohen.
Sëmundjet si diarreja dhe ftohja mund të dalin jashtë kontrollit nëse nuk trajtohen, dhe gjithashtu përbëjnë një kërcënim për palestinezët e tjerë në strehimore për shkak të mungesës së kushteve sanitare. Gjithashtu mes tyre ekziston dhe rreziku i hipotermisë.
OKB gjithashtu nuk i ka ndalur thirrjet për një armëpushim pasi Gaza është pranë ‘kolapsit humanitar’. Banorët kanë pak qasje në kujdes mjekësor, ushqim dhe strehim.
“Populli i Gazës duhet të ketë qasje të menjëhershme në strehim të sigurt, kujdes mjekësor, ushqim, objekte higjienike dhe sanitare dhe të sigurojë që anëtarët e familjeve të mos ndahen. Civilët dhe punonjësit e ndihmës humanitare duhet të mbrohen”, tha OKB.
Sipas deklaratës, rreth 1,9 milion njerëz janë të zhvendosur në Gaza, që përbëjnë rreth 85 për qind të popullsisë, të cilëve u mungojnë nevojat themelore si ushqimi, uji, strehimi dinjitoz dhe objektet sanitare, si dhe kujdesi mjekësor.
Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me grupin palestinez Hamas.
Të paktën 17.177 palestinezë janë vrarë dhe më shumë se 46.000 të tjerë janë plagosur në sulmet intensive ajrore dhe tokësore në enklavë që nga 7 tetori pas një sulmi ndërkufitar nga Hamasi.
Lini një Përgjigje