FLASH
Shkruar nga Pamfleti
Mbërritja e kreut të Wagner, Prigozhin në Bjellorusi, duket se ka alarmuar Perëndimin. Duke marrë shkas nga zhvillimet e fundit në Moskë, Presidenti i Lituanisë ka paralajmëruar se nëse Bjellorusia do të presë Prigozhin, atëherë NATO do të duhet të forcojë krahun e saj lindor.
"Nëse Prigozhin ose një pjesë e grupit Wagner përfundon në Bjellorusi me plane të paqarta dhe qëllime të paqarta, kjo do të thotë vetëm se ne duhet të forcojmë më tej sigurinë e kufijve tanë lindorë. Nuk po flas vetëm për Lituaninë këtu, por pa dyshim për të gjithë NATO-n," tha presidenti lituanez Gitanas Nauseda.
Kreu i shtetit i cili do të presë samitin e NATO-s muajin e ardhshëm, foli pas një takimi të këshillit të sigurimit shtetëror për të diskutuar revoltën e ndërprerë të Wagner kundër Kremlinit.
Kujtojmë se, pasi Prigozhin anuloi revoltën e tij të shtunën, Moska tha se shefi i Wagner do të largohej nga Rusia për në Bjellorusi dhe nuk do të përballej me akuza.
Lini një Përgjigje