FLASH
Shkruar nga Pamfleti
Shtetasi afgan kishte "ndarë postime pro-islamiste" në mediat sociale përpara se të përplaste makinën me një turmë në Mynih, duke goditur të paktën 28 persona, duke vrarë 1 dhe duke plagosur rëndë 2. Këtë e ka shkruar Spiegel, duke identifikuar të dyshuarin si Farhad N.
I lindur në Kabul në vitin 2001, sipas të përjavshmes gjermane, 24-vjeçari ka mbërritur në Gjermani në fund të vitit 2016. Këtu kishte aplikuar për azil, por Zyra Federale për Migracionin dhe Refugjatët e kishte refuzuar. Megjithatë, dëbimi i tij ishte pezulluar për shkak se i ishte dhënë një leje qëndrimi e përkohshme.
I riu ishte tashmë i njohur për policinë, sipas Joachim Hermann, ministër i Brendshëm bavarez. Farhad N. ishte arrestuar në të kaluarën për vjedhje dhe posedim të lëndëve narkotike. Sulmi ndodhi gjatë një marshimi të organizuar nga sindikata Verdi, ku sulmuesi ka përplasur me makinën e tij disa kalimtarë dhe protestues. Policia konfirmoi se numri i të aksidentuarve ishte të paktën 28, disa prej tyre në gjendje kritike.
Kancelari gjerman Olaf Scholz e përshkroi sulmin si "vërtet të tmerrshëm". Duke folur për emigracionin e parregullt, Scholz theksoi përpjekjet e qeverisë së tij për reduktimin e tij, ndërsa kritikoi propozimet e opozitës, duke i konsideruar ato të papajtueshme me rregullat gjermane dhe evropiane.
“Kushdo që kryen krime në Gjermani jo vetëm që do të ndëshkohet rëndë dhe do të duhet të shkojë në burg, por duhet të presë që të mos jetë në gjendje të vazhdojë qëndrimin e tij në Gjermani”, tha Scholz.
Ai kujtoi gjithashtu se Qeveria ka deportuar tashmë kriminelë të dënuar në Afganistan me një fluturim në gusht dhe po punon për të vazhduar dëbimet e tilla në baza të rregullta. "Dhe jo vetëm një herë, por vazhdimisht," siguroi ai.
Sulmi ka ngjallur reagime në të gjithë spektrin politik gjerman . Në X, bashkë-udhëheqësja e partisë së ekstremit të djathtë Alternativa für Deutschland (AfD), Alice Weidel, komentoi episodin me një postim provokues: "Sa kohë duhet të vazhdojmë kështu?".
Ëeidel shprehu ngushëllimet e tij për viktimat dhe familjet e tyre, por gjithashtu bëri thirrje për një "kthim" në politikën e migracionit dhe azilit të vendit.
Partia AfD aktualisht po rritet në sondazhe, me një mbështetje të vlerësuar prej rreth 21%.
Lini një Përgjigje