FLASH
Shkruar nga Pamfleti
Një sulm me armë zjarri ka ndodhur ndaj një komisariati në Turqinë Perëndimore, Izmir. Si pasojë e sulmit dy policë humbën jetën dhe një tjetër mbeti i plagosur rëndë.
Autori i dyshuar, që sipas raportimeve është 16 vjeç, hapi zjarr ndaj komisariatit në zonën Balçova. Sipas NTV, adoleshenti është arrestuar nga autoritetet, ndërsa 6 persona të tjerë janë plagosur.
16-vjeçari cili kreu sulmin, u pa duke shkuar në vendngjarje i veshur me pallto dhe duke mbuluar fytyrën, pavarësisht motit të nxehtë dhe kishte me vete një sasi të madhe municionesh.
Guvernatori i Izmirit, Süleyman Elban, bëri një deklaratë në vendngjarje në lidhje me sulmin.
“Sulmuesi u arrestua me lëndime. Ai po merr trajtim në Spitalin Shtetëror të Alsancak. Ai nuk ka precedentë të mëparshëm penalë. Hetimet për incidentin janë ende duke vazhduar. I dyshuari për vrasje është 16 vjeç dhe jeton në këtë rrugë. Incidenti do të sqarohet së shpejti. Incidenti është kryer me një pushkë me pompë të blerë nga babai i tij", tha ai.
Turqia është përballur edhe më parë me sulme të ngjashme të kryera nga grupe të armatosura kurde, organizata islamiste dhe grupe të majta ekstreme, me forcat e sigurisë që shpeshherë shënjestrohen si objektiv i këtyre sulmeve.
???? Polis merkezine saldıran şahıs yakalandı!
— Haber 7 (@Haber7) September 8, 2025
➥ İzmir'in Balçova ilçesinde polis merkezine gelen 16 yaşındaki şahıs uzun namlulu silahla ateş açtı. Saldırıda 2 polis şehit olurken 1 polis yaralandı. Yakalanan şahsın görüntüleri kamerada. pic.twitter.com/pz9a2S7anf
Lini një Përgjigje