FLASH
Shkruar nga Pamfleti
Pamjet e qytetarëve të revoltuar spanjollë që sulmuam me baltë dhe sende të forta mbretin e tyre Felipe kanë bërë xhiron e botës.
Ata reaguan me zemërim për shkak se akuzojnë shtetin për dështim në mbrojtjen e tyre nga përmbytjet.
Megjithatë, policia nuk arrestoi asnjë protestues.
Gazetari Lutfi Dervishi ka ironizuar me këtë lajm teksa ndryshe ndodh në protestat që mbahen këtu në Shqipëri.
“Turp i madh për policinë spanjolle që nuk ka arrestuar asnjë prej protestuesve që qëlluan me gurë Kryeministrin dhe me baltë Mbretin,” shkruan gazetari.
"Mbretërorët" e Spanjës u pritën me ofendime dhe sulme nga banorët e qytetit të Valencias.
Teksa Mbreti i Spanjës, Felipe dhe bashkëshortja e tij, Letizia kishin shkuar për të vizituar zonën pas përmbytjeve që i morën jetën më shumë se 200 personave, vendasit nuk i pritën aspak mirë. Ndërsa bërtisnin "vrasës", qytetarët hodhën baltë mbi çiftin mbretëror, duke i cilësuar si fajtor për humbjen e 217 jetëve, bilanc që pritet që të shtohet me kalimin e orëve.
Në një moment, turma ishte aq afër sa mundën edhe të bisedonin me mbretin, por ky i fundit u tha: Nëse doni nuk vij më dhe qëndroj në Madrid.
Por as kjo ofertë nuk pati asnjë ndikim.
Jose Ribelles, një punonjës supermarketi 23-vjeçar, jeta e të cilit u shkatërrua nga përmbytjet, i tha Times: Çfarë prisnin ata? Që ne t'i themi ndonjë fjalë të ëmbël? Shteti spanjoll nuk bëri aq sa duhet që të na mbronte. Ata donin të na vrisnin. Gjëja e parë që duhet të bëni është të paralajmëroni njerëzit kur një digë është gati të mbingarkohet dhe të çahet. Nuk mund t'i paralajmërosh njerëzit kur ata tashmë janë duke u mbytur.
Lini një Përgjigje