FLASH
Shkruar nga Pamfleti
Analisti Andi Bushati ka deklaruar se gjithë ideja e themelimit të një shteti bektashi është në kufijtë e absurditetit.
Më tej, Bushati theksoi se nuk ka asgjë konkrete për këtë çështje, përveç disa frazave dhe batutave nga Rama. Sipas tij, ata që janë në pushtet para se të marrin vendime, bëjnë konsultime publike dhe presin dhe kritika, por nuk ndodh kështu tek ne.
“Ka një absurd, unë nuk kam folur pasi nuk mund të flasësh për një çështje që nuk je i qartë. Një ditë të bukur, si rrufe në qiell të hapur tha se do të bëhet një shtet si Vatikani pa dhënë asnjë detaj. Jemi në kufijtë e absurditeti dhe të hedhësh një absurditet dhe të kërkosh llogari pse njerëzit reaguan në mënyrë absurde është gjë që nuk shkon. Ata që janë në pushtet para se të marrin vendime, bëjnë konsultime publike dhe presin dhe kritika. Këtu tek ne ky raport është përmbysur. Del i pari monarku, autokrati dhe thuhet nga ky moment do bëhet kjo gjë dhe pastaj thotë që ka faqezinjtë që kundërshtojnë, të gjithë flasin, por askush nuk di gjë”, tha ai në “MCN”.
Analisti tha se nuk e di kush janë motivet e Ramës, nuk e di kush qëndron pas tij dhe nuk e di nëse është shaka apo e vërtetë, pasi nuk ka asgjë konkrete, prandaj nuk nisemi dot me batuta dhe copa frazash për të dhënë një vendim.
“Ne nuk kemi një traditë të fuqishme besimit në këtë vend. Të jesh tolerant duhet fillimisht të jesh ekstremist, dhe pastaj të moderosh ekstremizmin tënd drejt tolerant. Ne nuk jemi tolerant se s’kemi qenë asnjëherë ekstremist”, tha ai.
Lini një Përgjigje