FLASH
Shkruar nga Pamfleti
Për shkak të protestës forca të shumta sigurie janë mbledhur para ambienteve të gjykatës.
Në Gjykatën e Lartë pritet të zhvillohet sot seanca për rekursin që grupimi i Sali Berishës ka depozituar për vendimin e 3 marsit, ku Apeli i Përgjithshëm ktheu në shkallë të parë çështjen e logos dhe vulës së Partisë Demokratike.
Çështja do të shqyrtohet nga gjyqtarët, Artur Kalaja, Ervin Pule dhe Dariel Sina në orën 09:00.
Por paralelisht me seancën, Rithemelimi i drejtuar nga Sali Berisha do të zhvillojë një protestë. Për shkak të protestës forca të shumta sigurie janë mbledhur para ambienteve të gjykatës.
Në mars të këtij viti, Gjykata e Apelit vendosi të rrëzojë vendimin e Agron Zhukrit dhe kthimin e çështjes për shqyrtim në shkallë të parë me trupë tjetër gjykuese. Pas këtij vendimi, vula, sigla, logoja e Partisë Demokratike i mbetën PD zyrtare.
Me unanimet të plotë trupa gjykuese e Apelit, e përbërë nga relatore Elona Mihali dhe anëtarë Astrit Kalaja dhe Irida Kacerja, prishi vendimin e datës 25 mars 2022.
Lini një Përgjigje