FLASH
Shkruar nga Pamfleti
Një fundjavë vere edhe pse jemi në mesin e muajit shtator. Kështu e përshkruajnë sinoptikanët këtë fundjavë, me diell dhe mot të qëndrueshëm.
“Një fundjavë e qëndrueshme dhe me diell. E shtuna, me diell pothuajse në të gjithë territorin shqiptar, sidomos gjatë orëve të paradites, vranësira të lehta dhe kalimtare në orët e para të mbrëmjes, kryesisht në skajin verilindor dhe juglindor. Një fundjavë krejtësisht ideale, tipike vere edhe pse zyrtarisht jemi në vjeshtë për të gjithë ata që duan të frekuentojnë edhe bregdetin”, tha Lajda Porja.
Kjo fundjavë sipas parashikimeve të sinoptikanëve do të jetë shumë e favorshme për të gjithë ata që kanë zgjedhur të shijojnë bregdetin.
“Termometri ngjitet në 35 gradë, parashikohet që vija bregdetare të shënojë temperatura 32, 33 gradë Celsius, 35 gradë që ne e presim në qarkun e Beratit dhe në qarkun e Elbasanit, në zonat e mbi-Shkodrës dhe kryeqyteti pritet të regjistrojë 33 gradë. Megjithatë, dita e diel do të jetë me mot të kthjellët, me temperatura relativisht të larta, ka një rënie të lehtë, por termometri mbetet në 34 gradë Celsius”, shtoi ajo.
Sipas parashikimeve të meteorologëve edhe parametri i erës nuk do të jetë shqetësues duke bërë që deti Adriatik dhe Jon të jetë i qetë dhe i përshtatshëm për plazh.
Lini një Përgjigje