FLASH
Shkruar nga Pamfleti
Komisioneri për Zgjerim në Bashkimin Evropian, Oliver Varhelyi, është shprehur “pro” anëtarësimit të vendeve të Ballkanit në vitin 2030.
Ky qëndrim i tij u përgëzua nga kryeministri Edi Rama, i cili u shpreh se komisioneri Vahelyi nuk na ka “zhgënjyer kurrë”.
Lidhur me këtë Analisti Mentor Nazarko tha se BE nuk ka qëndrim unison për integrimin në vitin 2030.
“Artikulimi në publik i një date, i një afati mendoj se është nga ato instrumentet, që përdoren për të inkurajuar opinionet publike të vendeve të Ballkanit, që të përmirësojnë disponimin pro-evropian, nxit shtetet kandidate që të përparojnë në rrugën e reformave, por nuk është dosmosdoshmërisht një afat që mund të respektohet. Mund të jetë më i shpejtë anëtarësimin, por mund të jetë edhe më i ngadaltë se sa kaq. Nuk kam parë ndonjë qëndrim unison që e konfirmon një datë të tillë, madje kam parë një qëndrim tjetër. Dhe ishte dje një qëndrim tjetër i një zyrtari tjetër, i cili thoshte jemi te fokusuar tek proceduar dhe jo te afatet. Ky është leximi që i bëj unë këtyre zhvillimeve rreth 2030”, tha ai për “Abc News”.
Lini një Përgjigje