FLASH
Shkruar nga Pamfleti
Daniel John Valtier është një fans i çmendur i Shakirës, por admirimi i tij për yllin kolumbian e çoi atë pas prangave. Valtier u arrestua pasi ka përndjekur dhe ngacmuar këngëtaren kolumbiane. Shakira u transferua në Majami me fëmijët e saj në prill të vitit 2023 pas ndarjes nga Gerard Pique, por qëndrimi atje nuk ishte edhe aq i qetë për shkak të 56-vjeçarit.
Autoritetet e Floridës arrestuan 56-vjeçarin të hënën, më 8 janar pasi kishte shkuar tek shtëpia e këngëtares me qëllim të futej brenda. Ai pretendon se kishte një lidhje me këngëtaren kolumbiane, gjë të cilën e ka shprehur edhe para gjykatës.
Gjykatësi kishte vendosur një garanci me kusht në 50,000 dollarë, por pas pretendimit dhe këmbënguljes së të pandehurit se Shakira është gruaja e tij gjyqtari e ngriti kushtin në 100,000 dollarë.
“Jo zotëri, ajo nuk është gruaja juaj. Unë kam disa shqetësime, shqetësime reale tani, sepse ky njeri ka halucinacione,” i thotë gjyqtari.
Valtier dyshohet se ndau disa postime në rrjetet sociale për Shakirën, të cilat iu dorëzuan autoriteteve nga ekipi i saj i sigurisë më 3 janar. Ai u paraqit në shtëpinë e këngëtares vetëm pesë ditë më vonë, në orën 12:45 me taksi, para se të arrestohej.
???? Breaking: Shakira's Alleged Stalker Claims to Be Her Husband in the Court@shakira 's alleged stalker, Daniel John Valtier, faces increased bail and harassment charges. His persistent claims of being married to the star and actions like sending gifts led to his recent arrest.… pic.twitter.com/uMJDCoFELh
— Photo News (@PhotoNewsPk) January 10, 2024
Lini një Përgjigje